ՀՈւԱԱ թեկնածու անդամներն են՝
ՀՀ պետական և ոչ պետական բուհերի, արտասահմանյան պետական և ոչ պետական բուհերի ՀՀ մասնաճյուղերի ուսանողական ինքնակառավարման մարմինները, ինչպես նաև ուսանողական, երիտասարդական այլ հասարակական կազմակերպությունները, որոնք ներկայացնում են որոշակի առանձնահատուկ կարգավիճակի ուսանողական միություններ, ՀՈւԱԱ-ում ավտոմատ կերպով ստանում են Թեկնածու անդամի կարգավիճակ, եթե սահմանված կարգով` Ընդհանուր Ժողովի հերթական լիագումար նիստից առնվազն 30 օր առաջ, անդամությանը ներկայացվող պահանջներին համապատասխան դիմումի փաթեթը ներկայացնում են պասխանատու քարտուղարին:
Կարգավիճակի շնորհման ընթացակարգը՝
Լիիրավ կամ ասոցացված անդամությանը հավակնող թեկնածու անդամի կարգավիճակ ստանձնելուց հետո ուսանողական ինքնակառավարման ներկայացուցչական մարմնի հարցը քննարկվում է ՀՈւԱԱ հերթական Ընդհանուր ժողովի լիագումար նիստում:
Լիիրավ կամ ասոցացված անդամի կարգավիճակի շնորհման մասին որոշումը ընդունվում է Ընդհանուր ժողովի լիագումար նիստի ձայների առնվազն ¾ առկայության դեպքում:
Ընդհանուր ժողովը իագումար նիստի քննարկման ժամանակ կարող է որոշում կայացնել.
– թեկնածուին շնորհել Լլիիրավ կամ ասոցացված անդամի կարգավիճակ
– երկարաձգել թեկնածու անդամի կարգավիճակը մինչև հաջորդ Ընդհանուր ժողովի լիագումար նիստը
– մերժել դիմորդ պավիրակների ադամության որևէ ձևաչափ:
Թեկնածու անդամի կարգավիճակի երկարաձգումը՝
ՀՈւԱԱ լիիրավ կամ ասոցացված անդամությանը հավակնող թեկնածու անդամներին Ընդհանուր ժողովի լիագումար նիստում նույն կարգավիճակում թողնելու մասին որոշումից հետո` մինչև հաջորդ Ընդհանուր ժողովի լիագումար նիստը, ձևավորվում է ստուգայցի թիմ: Ստուգայցի թիմը պետք է կազմված լինի առնվազն երկու լիիրավ անդամ կազմակերպությունների ներկայացուցիչներից և կազմակերպության նախագահության ներկայացուցչից:
Ստուգայցի թիմն անցկացնում է ուսումնասիրություններ` պարզելու թեկնածու անդամի համապատասխանությունը ՀՈւԱԱ անդամակցության չափանիշներին, որից հետո Ընդհանուր ժողովին ներկայացնում է զեկույց անցկացված ուսումնասիրությունների մասին, ընդ որում այն պարտադիր պետք է ներառի.
– Կազմակերպության կանոնադրության և ներքին կանոնակարգի պահանջներին համապատասխանելիության գնահատականը
– թեկնածուի առաջընթացն անդամակցության չափանիշների կատարողականի վերաբերյալ
– հետագա գործողությունների և առաջարկների ցանկը` պահանջներն իրականացնելու համար:
Անդամակցության այն չափանիշները, որոնք կիրառվել են դիմողի անդամակցության կարգավիճակը որոշելու համար, պետք է մնան նույնը, ինչ եղել են դիմելու պահին
Լիիրավ կամ ասոցացված անդամությանը հավակնող թեկնածու անդամ ուսանողական ինքնակառավարման մարմիններ՝
Գավառի Պետական Համալսարանի Ուսանողական Խորհուրդ
Երևանի Ճարտարապետության և Շինարարության Պետական Համալսարանի Ուսանողական Խորհուրդ
Երևանի Մ. Հերացու անվան Պետական Բժշկական Համալսարանի Ուսանողական Խորհրդարան
Երևանի Վ. Բրյուսովի անվան Պետական Լեզվաբանական Համալսարանի Ուսանողական Խորհուրդ
Խ. Աբովյանի անվան Հայկական Պետական Մանկավարժական Համալսարանի Ուսանողական Խորհուրդ
Հայաստանի Ազգային Պոլիտեխնիկական Համալսարանի (Պոլիտեխնիկ) Ուսանողական Խորհուրդ
Հայաստանի Պետական ՏնտեսագիտականՀամալսարանի Ուսանողական Խորհուրդ
Ֆիզիկական Կուլտուրայի Հայկական Պետական Ինստիտուտի Ուսանողական Խորհուրդ
Հայաստանի Ֆրանսիական Համալսարանի Ուսանողական Խորհուրդ
Ոչ Պետական Բուհերի Ուսանողական Կենտրոն ՀԿ
Երևանի Պետական Համալսարանի Ուսանողական Խորհուրդ
Գորիսի Պետական Համալսարանի Ուսանողական Խորհուրդ
Երևանի Գեղարվեստի Պետական Ակադեմիայի Ուսանողական Խորհուրդ
Հայաստանի Ազգային Ագրարային Համալսարանի Ուսանողական Խորհուրդ
Երևանի Թատրոնի և Կինոյի Պետական Ինստիտուտի Ուսանողական Խորհուրդ
Երևանի Կոմիտասի անվան Պետական Կոնսերվատորիայի Ուսանողական Խորհուրդ
